Chuir Paul Appelby, fáilte inniu roimh bhreithiúnas an European Court of Justice (ECJ) sa chás Eurofood.

Chuir Paul Appelby, an Stiúrthóir um Fhorfheidhmiú Corparáideach fáilte inniu roimh bhreithiúnas an European Court of Justice (ECJ) sa chás Eurofood (Cás C-341/04). Bhain an cás le réiteach ar cheisteanna sonracha dlí maidir le léiriú ar Rialúchán Dócmhainneacht Trasteorann an AE - Rialúchán na Comhairle (CE) 1346/2000 ó 29 Bealtaine 2000. Chuir Cúirt Uachtarach na hÉireann na ceisteanna sin faoi bhráid an ECJ ar an mbonn gur theastaigh réamhrialaithe ón ECJ sula mbeadh an Chúirt Uachtarach in ann breithiúnas a thabhairt ar achomharc a rinneadh i gcoinne cheapachán leachtaitheoir ag Ard-Chúirt na hÉireann don chuideachta Éireannach Eurofood IFSC Teoranta. Rinne Enrico Bondi Riarthóir Urghnách atá ceaptha do Parmalatz SpA, cuideachta bia domhanda atá ionchorpraithe san Iodáil agus a bhfuil Eurofood ina fhochuideachta aige an t-achomharc sin. Ba é an argóint a bhí ag an uasal Bondi gur chóir tús áite a thabhairt do chinneadh na Cúirte Iodálaí ábhartha Eurofood a chur faoi riarachán urghnách.

• Cliceáil anseo le haghaidh chóip an Phreasráitis agus Nóta Eagarthóra
• Cliceáil anseo le haghaidh chóip bhreithiúnas an ECJ
• Cliceáil anseo le haghaidh cóipe de Thuairim an Abhcóide Ghinearálta

Féach an luath-théacs dátaithe 27 Iúil 2004 i bhFoirceannadh agus Dócmhainneacht le haghaidh breis eolais maidir le breithiúnais Ard-Chúirte agus Chúirte Uachtaraí na hÉireann.

Nasc Gaolmhar:
• 27 Iúil 2004 - Maidir le Eurofood IFSC Teoranta agus Maidir le hAchtanna na gCuideachtaí 1963 -  2003, Uimhir Thaifid na Cúirte Uachtaraí, 147 / 04.